बालबालिकालाई कात्तिक २ र ३ गते भिटामिन ‘ए’ र जुकाको औषधि खुवाइने

अडियोमा सुन्नुहोस

धादिङ,२६ असोज ।
देशभरका बालबालिकालाई आगामी कात्तिक २ र ३ गते भिटामिन ‘ए’ र जुकाको औषधि खुवाईने भएको छ।

बिहिबार स्वास्थ्य तथा जनसंख्या मन्त्रालयले सूचना निकालेर ६ महिनादेखि ५९ महिनासम्मका बालबालिकालाई भिटामिन ‘ए’ क्याप्सुल र एकदेखि पाँच वर्षसम्मका बालबालिकालाई जुकाको औषधि खुवाइने जनाएको हो ।

मन्त्रालयले आफ्ना बालबालिकालाई नजिकैको महिला सामुदायिक स्वास्थ्य स्वयंसेविकामार्फत भिटिामिन ‘ए’ र जुकाको औषधि खुवाउन आग्रह गरेको छ।

छ महिनादेखि ५९ महिनासम्मका बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि सरकारले २०५३ सालदेखि भिटामिन ’ए’ कार्यक्रम सञ्चालन गर्दै आएको छ ।