किराञ्चोक माविमा ३० जनाले गरे रक्तदान

अडियोमा सुन्नुहोस

धादिङ,०२ कात्तिक ।
१६ औँ शिक्षक नायक गोष्ठी तथा २४ औँ जुनियर युवा गोष्ठीको अवसरमा आयोजित रक्तदान कार्यक्रममा ३० जनाले रक्तदान गरेका छन् ।

शुक्रबार नेपाल रेडक्रस सोसाईटी किराञ्चोक उपशाखा धादिङको आयोजना तथा किराञ्चोक माविको सहआयोजनामा भएको कार्यक्रममा ८ जना महिला र २२ जना पुरुष गरी ३० जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो ।

रक्तदान कार्यक्रममा रेडक्रस सोसाईटी रक्त संचार सेवा केन्द्र धादिङको प्राबिधिक सहयोग रहेको थियो ।