बागमती प्रदेशमै उत्कृष्ट बन्यो त्रिशुली अस्पताल,दोस्रोमा धादिङ अस्पताल

अडियोमा सुन्नुहोस

धादिङ १९ कात्तिक ।
नुवाकोटको त्रिशुली अस्पताल बागमती प्रदेशकै पहिलो बनेको छ। आर्थिक बर्ष २०७८/०७९ को प्रदेश स्तरीय बार्षिक समिक्षामा तय गरिएको विभिन्न स्वास्थ्य सेवाका सुचकहरुको आधारमा त्रिशुली अस्पतालले ९१.५ अंक प्राप्त प्रदेशकै पहिलो बन्न सफल भएको हो ।

बागमती प्रदेश सरकार स्वास्थ्य मन्त्रालय स्वास्थ्य निर्देशनालयद्धारा कार्तिक १५–१७ सम्म सौराह चितवनमा आयोजित प्रदेश मातहतका अस्पतालहरुको आ.व.२०७८/७९ सम्पादित कार्यहरुको वार्षिक समिक्षा कार्यक्रममा मूल्यांकनको नतिजा सार्वजनिक गर्दै यो जानकारी गराइएको हो।

उक्त मूल्यांकनमा धादिङको धादिङ अस्पताल ८५.५ अंक ल्याई दोस्रो हुन भएको छ । बागमती प्रदेश अन्तरगतका २३ ओटा अस्पतालहरुको मुल्यांकनमा धादिङ अस्पताल दोस्रो हुन सफल भएको धादिङ अस्पतालका सूचना अधिकारी विक्रम वि.कले जानकारी दिनुभयो । सो मुल्यांकनमा भक्तपुर अस्पताल ८२ अंक ल्याई तेस्रो भएको छ ।