धादिङका थप ८ जनामा डेंगु संक्रमण

अडियोमा सुन्नुहोस

धादिङ,३० कात्तिक ।
पछिल्लो २४ घण्टामा धादिङका थप ८ जनामा डेंगु संक्रमण पुष्टि भएको छ । ७ जना पुरुष र १ जना महिला गरी ८ जना डेंगुका नयाँ बिरामी थपिएको स्वास्थ्य कार्यालय धादिङको विवरणमा उल्लेख गरिएको छ।संक्रमित मध्ये ७ जना नीलकण्ठका र १ जना ज्वालामुखीका रहेका छन् ।

यो सँगै जिल्लामा हालसम्म जिल्लाका १ हजार २४९ जना पुरुष र १ हजार ६९ महिला गरी कुल २ हजार ३१८ जनामा संक्रमण पुष्टि भएको छ ।
विवरण अनुसार सबैभन्दा बढि संक्रमित नीलकण्ठ नगरपालिकामा १ हजार ४५३, गल्छीमा १३१, गजुरीमा १०६, बेनिघाट रोराङमा ९५,ज्वालामुखीमा ९२, धुनिबेशीमा ९०,त्रिपुरासुन्दरीमा ८० जनामा संक्रमण भएको छ।

यस्तै सिद्धलेकमा ७४, गंगाजमुनामा ३३, थाक्रेमा १८,नेत्रावती डवजोङमा १५,रुवीभ्यालीमा १३ र खनियाबास गाउँपालिकामा ७ जनामा संक्रमण पुष्टि भएको छ ।