धादिङमा डेंगु : आज एकैदिन ३३ जनामा संक्रमण,३० जना निलकण्ठका

अडियोमा सुन्नुहोस

धादिङ,०५ मंसिर ।
पछिल्लो २४ घण्टामा धादिङका थप ३३ जनामा डेंगु संक्रमण पुष्टि भएको छ ।

१५ जना पुरुष र १८ जना महिला गरी ३३ जना डेंगुका नयाँ बिरामी थपिएको स्वास्थ्य कार्यालय धादिङको विवरणमा उल्लेख गरिएको छ।संक्रमित मध्ये ३० जना नीलकण्ठका,१ जना सिद्धलेकका र २ जना ज्वालामुखीका रहेका छन् ।

यो सँगै जिल्लामा हालसम्म जिल्लाका १ हजार २७८ जना पुरुष र १ हजार १०९ महिला गरी कुल २ हजार ३८७ जनामा संक्रमण पुष्टि भएको छ ।
विवरण अनुसार सबैभन्दा बढि संक्रमित नीलकण्ठ नगरपालिकामा १ हजार ५१४, गल्छीमा १३१, गजुरीमा १०६, बेनिघाट रोराङमा ९५, धुनिबेशीमा ९०,त्रिपुरासुन्दरीमा ८० जनामा संक्रमण भएको छ।

यस्तै ज्वालामुखीमा ७९, सिद्धलेकमा ७७, गंगाजमुनामा ३३, थाक्रेमा १८,नेत्रावती डवजोङमा १५,रुवीभ्यालीमा १३ र खनियाबास गाउँपालिकामा ७ जनामा संक्रमण पुष्टि भएको छ ।