धादिङमा डेंगु संक्रमितको संख्या २५ सय नजिक(कहाँ कति संक्रमित ?)

अडियोमा सुन्नुहोस

धादिङ,१२ मंसिर ।
धादिङमा डेंगु संक्रमितको संख्या २५ सय नजिक पुगेको छ । पछिल्लो २४ घण्टामा थप २६ जनामा डेंगु संक्रमण पुष्टि भएको छ ।

थपिएका संक्रमितहरु गजुरीका १४, नीलकण्ठका ६, सिद्धलेकका ३, बेनिघाट रोराङ, गल्छी र त्रिपुरासुन्दरीका १ १
जना रहेको स्वास्थ्य कार्यालय धादिङको विवरणमा उल्लेख गरिएको छ।

यो सँगै जिल्लामा हालसम्म संक्रमित हुनेको संख्या १ हजार ३३७ जना पुरुष र १ हजार १५६ महिला गरी कुल २ हजार ४९३ पुगेको छ ।
विवरण अनुसार सबैभन्दा बढि संक्रमित नीलकण्ठ नगरपालिकामा १ हजार ५४७, बेनिघाट रोराङमा १३९, गल्छीमा १३२, गजुरीमा १२०, धुनिबेशीमा ९४,त्रिपुरासुन्दरीमा ८१ जनामा संक्रमण भएको छ।

यस्तै सिद्धलेकमा ८४,ज्वालामुखीमा ७९, गंगाजमुनामा ३४, थाक्रेमा १८,नेत्रावती डवजोङमा १५,रुवीभ्यालीमा १४ र खनियाबास गाउँपालिकामा ७ जनामा संक्रमण पुष्टि भएको छ ।