धार्केमा बाल परामर्श सम्बन्धि कार्यशाला:क्षमता विकास भएको कार्यक्रममा सहभागीको भनाई

अडियोमा सुन्नुहोस

धार्के,२७ मंसिर।
धुनिबेशी नगरपालिकास्थित धार्केमा श्रमिक बालबालिका सम्बन्धि १ दिने कार्यशाला सम्पन्न भएको छ ।

बालबालिका सम्बन्धि कानुनमा भएको व्यस्थाको जानकारी,स्थानीय सरकार तथा सम्बन्धित सरोकारवालाहरुको भुमिका र जिम्मेवारीको बारेमा श्रमिक बालबालिकाहरुलाई जानकारी गराउने उद्देश्यले चाईल्ड नेपाल तथा आसमान नेपालको आर्थिक सहयोग तथा प्रयास नेपाल धादिङको आयोजनामो शनिबार कार्यशाला गरिएको हो ।

कार्यशालामा बालश्रम तथा बाल कामका सम्बन्धमा बालबालिकाहरुले भोगिरहेका समस्या र नेपाल कानुनमा भएको व्यवस्थाहरुको बारेमा जीवनको एक दिन, शरीरको नक्शाङ्कन र बालबालिकाहरुको जिवनमा घटेको अविष्मरणीय घटनाको चित्र र श्रमिक बालबालिकाहरुको जिवनस्तर सहज बनाउन प्रभाव पार्ने व्यक्तिहरुको भुमिका औजार बिधिबाट सहजकर्ताद्वय सुनिता कँडेल र गोबिन्द बिडारी सहजिकरण गर्नु भएको थियो ।

कार्यशालाले बालबालिकाहरुको शारीरिक,मानसिक तथा सामाजिक रुपमा आईपर्न सक्ने क्षमताको विकास भएको कार्यक्रममा सहभागी बिपना बिक, ज्योति बुढामगर, हरि बिक लगायतका बालबालिकाहरुको भनाइ रहेको थियो।

कार्यशालामा जिल्लाका ३ वटा ईट्टा उद्योगमा काम गर्ने श्रमिक ,मजदुरका १५ जना बालबालिकाहरुको सहभागीता रहेको धार्केबाट गोबिन्द बिडारीले जानकारी दिनु भयो ।