धादिङ रेडक्रसको सभापतीमा दुर्लभ कुमार तामाङ निर्वाचित

अडियोमा सुन्नुहोस

धादिङ,०९ फागुन ।
नेपाल रेडक्रस सोसाईटी जिल्ला शाखा धादिङको सभापतीमा दुर्लभ कुमार तामाङ निर्वाचित हुनु भएको छ । सोमबार र मंगलबार भएको जिल्ला शाखाको ३६ औँ बार्षिक साधारण सभा तथा १२ औँ जिल्ला अधिबेशनले सभापतीमा तामाङलाई निर्विरोध निर्वाचित गरेको हो ।

अधिबेशनले तामाङको सभापतित्वमा १७ सदस्यीय कार्यसमिति निर्विरोध निर्वाचित गरेको छ । कार्यसमितिको महिला उपसभापतीमा अप्सरा सिंखडा, उपसभापती धु्रव बहादुर थापा,मन्त्री नेम बहादुर श्रेष्ठ, कोषाध्यक्ष नारायण कुमार श्रेष्ठ, उपमन्त्री मिम्वा तामाङ र उपकोषाध्यक्षमा राजन सिंखडा चयन हुनुभएको छ ।

त्यसैगरी सदस्यहरुमा सिर्जना पाण्डे थापा, कमला खड्का, संगिता पाण्डे विसुराल, जंग बहादुर तामाङ, नकुल बहादुर कार्कि, कान्छा तामाङ, राजन रेग्मि(निशान) भिमकान्त सिलवाल, राजकुमार श्रेष्ठ र पवन थपलिया रहेका छन् ।

साधारण सभा तथा अधिबेशनको सोमबार बागमती प्रदेशका मुख्य मन्त्री शालिकराम जम्कट्टेलले उद्घाटन गर्नुभएको थियो ।