धादिङमा आज चौधजना डेङ्गीका बिरामीःनौ जनालाई स्क्रब टाइफस संक्रमण

अडियोमा सुन्नुहोस

धादिङ–पछिल्लो २४ घण्टामा धादिङमा १४ जना डेङ्गीका बिरामी भेटिएका छन्।६ जना पुरुष र ८ जना महिला गरी थप १४ जना डेङ्गीका बिरामी भेटिएको स्वास्थ्य कार्यालय धादिङले जनाएको छ।

संक्रमितमध्ये नीलकण्ठ नगरपालिकाका ८ जना,गल्छीका ३ जना, सिद्धलेकका २ जना र त्रिपुरासुन्दरीका १ जना रहेका छन्।

साउन यता जिल्लामा संक्रमित हुनेको संख्या ३ हजार २३० पुगेको छ।जसमा पुरुष १ हजार ५६२ र महिला १ हजार ६६८ जना छन्। हालसम्मको कुल संक्रमितमध्ये २ हजार ६२९ जना निलकण्ठका मात्रै छन् ।

संक्रमणकै कारण धादिङमा २ जनाको मृत्यु समेत भएको छ।

यसैगरी आज थप ९ जनामा स्क्रब टाइफस संक्रमण भएको छ।आज ३ महिला र ५ पुरुषमा संक्रमण भएको हो ।संक्रमितहरुमा नीलकण्ठका ५ जना ज्वालामुखीका २ जना र गल्छी/सिद्धलेकका १/१ जना छन्।

अहिलेसम्म स्क्रब टाइफस संक्रमित हुनेको संख्या १९७ पुगेको छ।संक्रमितहरुमा ७३ जना पुरुष र १२४ जना महिला छन् ।गत बर्ष २०७९÷०८० मा जम्मा ४८ जनामा स्क्रब टाइफस देखिएको थियो।