धादिङबेशीमा ८७ जनाले गरे रक्तदान

अडियोमा सुन्नुहोस

धादिङ ।  शहीद दिवसको अवसरमा मंगलबार धादिङबेशीमा ८७ जनाले रक्तदान गरेका छन्।

नेपाल रेडक्रस सोसाइटी युवा रेडक्रस सर्कल नीलकण्ठ बहुमुखी क्याम्पसको आयोजनामा भएको रक्तदान कार्यक्रममा ३३ जना महिला र ५४ जना पुरुष गरि ८७ जनाले रक्तदान गरेका धादिङ रेडक्रमका कोषाध्यक्ष नारायण कुमार श्रेष्ठले जानकारी दिनुभयो।

नीलकण्ठ बहुमुखी क्याम्पस परिसरमा बिहान ७ बजेदेखी ११ बजेसम्म भएको रक्तदान कार्यक्रममा धादिङ रक्त सञ्चार सेवा केन्द्रको प्राविधिक सहयोग रहेको थियो ।

रगतको अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव,सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि रगत संकलन गरीदैँ आएको छ।