देउराली चौतारामा निशुल्क स्वास्थ्य परीक्षण,१ सय २५ जनाले लिए सेवा

अडियोमा सुन्नुहोस

धादिङ । नीलकण्ठ नगरपालिका वडा नं ८ स्थित देउराली चौतारामा भएको निशुल्क स्वास्थ्य परीक्षणमा १ सय २५ जनाले उपचार सेवा लिएका छन् ।

नीलकण्ठ बहुमुखी क्याम्पसको गणित, स्वास्थ्य तथा साधारण शिक्षा विभागले आयोजना गरेको समुदाय केन्द्रित निशुल्क स्वास्थ्य परीक्षण कार्यक्रम अन्तरगत बुधबार १ सय २५ जना स्थानीयहरुको निशुल्क स्वास्थ्य परीक्षण गरी औषधी वितरण गरिएको क्याम्पसको गणित स्वास्थ्य तथा साधारण शिक्षा विभागका प्रमुख हरि लंसालले बताउनुभयो ।

स्वास्थ्य परीक्षणमा सहभागी ब्यक्तिहरुको सुगर, प्रेसर जाँच गर्नुका साथै B.M.I.(बडी मास्क इन्डेक्स) चेकजाँच गरी विशेषज्ञ डाक्टर मार्फत आवश्यक परामर्श दिइएको थियो ।

कार्यक्रममा धादिङ अस्पतालका विशेषज्ञ चिकित्सक डा.दिनेश रेग्मीको नेतृत्वमा स्वास्थ्यकर्मीहरु संगीता छत्कुली र सुजिता सिलवालले विरामीहरुको स्वास्थ्य परीक्षण गर्नुभएको हो ।

स्वास्थ्यमा समस्या देखिएका ब्यक्तिहरुलाई थप उपचारको लागि धादिङ अस्पतालको ओपीडीमा सेवा लिन सुझाव समेत प्रदान गरिएको डाक्टर रेग्मीले जानकारी दिनुभयो ।

क्याम्पस र समुदायको सम्वन्ध थप विस्तार गर्नको लागि समुदाय स्तरमा स्वास्थ्य परीक्षण कार्यक्रम राखिएको र यस्ताखाले स्वास्थ परीक्षण कार्यक्रम क्याम्पसको कार्यक्षेत्र भित्रका अन्य ठाउँहरुमा समेत आगामी दिनमा सञ्चालन गरिने गणित स्वास्थ्य तथा साधारण शिक्षा विभागका प्रमुख लंसालले बताउनुभयो ।

कार्यक्रम व्यवस्थापनमा युवा रेडक्रस सर्कल क्याम्पस इकाईले सहयोग गरेको थियो ।