धादिङमा कुल मतदाता दुई लाख ६५ हजार ९९६,(हेर्नुहोस् कुन क्षेत्रमा कति?)

अडियोमा सुन्नुहोस

धादिङ,२७ असोज ।
धादिङमा कुल मतदाता दुई लाख ६५ हजार बढि रहेको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनको लागि जिल्लामा कुल मतदाता संख्या दुई लाखा ६५ हजार ९९६ रहेको जिल्ला निर्वाचन कार्यालय धादिङले जानकारी दिएको छ ।

निर्वाचन कार्यालयका अनुसार कुल मतदातामा १ लाख ३० हजार ५९४ जना महिला, १ लाख ३५ हजार ४०१ जना पुरुष र १ जना अन्य रहेका छन् । २०७९ साउन १९ गतेभित्र मतदाता नामावलीमा नाम दर्ता गरी आगामी मंसिर ३ गतेसम्ममा १८ वर्ष उमेर पूरा हुनेहरुको नाम अन्तिम नामावलीमा समावेश गरिएको निर्वाचन कार्यालयले जनाएको छ ।

यसैगरी मतदाता संख्याको आधारमा १ सय १४ मतदान स्थल अन्तर्गत ३०३ मतदान केन्द्र रहको छ । अहिले ५ वटा मतदानस्थल थप भएको निर्वाचन कार्यालयले जनाएको छ । धादिङमा दुई प्रतिनिधि सभा र चार प्रदेश सभा रहेको छ ।

जसमा क्षेत्र नं १ को ‘क’ मा ७३ हजार १५७ मतदाता, २८ मतदान स्थल र ७९ मतदान केन्द्र रहेको छ भने ‘ख’ मा ५९ हजार १९७ मतदाता, २५ मतदान स्थल र ६९ मतदान केन्द्र रहेको छ ।

त्यसैगरी क्षेत्र नं २ को ‘क’ मा ७० हजार ७०१ मतदाता, २५ मतदान स्थल र ७८ मतदान केन्द्र रहेको छ भने ‘ख’ मा ६२ हजार ९४१ मतदाता, ३६ मतदान स्थल र ७७ मतदान केन्द्र रहेको छ ।यसअघि गत बैशाखमा सम्पन्न स्थानिय निर्वाचनमा १०९ वटा मतदान स्थल र ३०३ मतदान केन्द्र निर्धारण गरिएको थियो भने मतदाताको सङ्ख्या २ लाख ६८ हजार ४७२ रहेका थिए।