अपाङ्गता समितिको प्रावधान सम्बन्धी अभिमुखिकरण:लक्षित कार्यक्रम बजेटमा नपरेको गुनासो

अडियोमा सुन्नुहोस

धादिङ,३१ असोज ।
धादिङको सिद्धलेक गाउँपालिकामा अपाङ्गता समन्वय समितिको प्रावधान सम्बन्धी छलफल तथा अभिमुखिकरण कार्यक्रम सञ्चालन गरिएको छ । आईतबार नेपाल अपाङ्ग महिला संघको समन्वयमा गाउँपालिका कार्यालयमा अपाङ्गता समन्वय समिति गठन, समितिको काम, कर्तव्य र अधिकार सम्बन्धि अभिमुखिकरण कार्यक्रम सम्पन्न भएको छ ।

कार्यक्रममा गाउँपालिकाका अध्यक्ष परशुराम खतिवडाले कानून निर्माणले मात्र अपाङ्गता भएका व्यक्तिहरूका मानवअधिकारहरू सुनिश्चित हुन नसक्ने भन्दै व्यक्तिले अनूभूति गर्ने कार्यक्रमबाट सम्वोधन हुन आवश्यक रहेको बताउनुभयो ।

कार्यक्रमका सहभागिहरुले अपाङ्गता भएका व्यक्ति र तीनका परिवारलाई आय आर्जन वृद्धि हुने कार्यक्रम ल्याउन धादिङका सरोकारवालाहरुले माग गरेका छन् । अपाङ्गता भएकाहरु लक्षित कार्यक्रमहरु नीति तथा कार्यक्रममा समेटिएपनि बजेटमा नपरेको गुनासो गरेका छन् । साथै गाउँपालिकसँग नीति तथा कार्यक्रम र बजेटमा अपाङ्गता लक्षित कार्यक्रम बनाउन पनि माग गरेका छन् ।