कार्तिक ५ भित्र हतियार बुझाउन धादिङ प्रशासनको अनुरोध

अडियोमा सुन्नुहोस

धादिङ,०२ कात्तिक।
जिल्ला प्रशासन कार्यालय धादिङले आफूसँग भएको हातहतियार बुझाउन सर्वसाधारणलाई अनुरोध गरेको छ ।

प्रशासनले बुधबार एक सुचना जारी गर्दै आगामी ४ मंसिरमा हुने प्रतिनिधिसभा तथा प्रदेशसभा सदस्य निर्वाचनलाई निष्पक्ष, शान्तिपूर्ण र भयरहित वातावरणमा सम्पन्न गराउन यहि कात्तिक ५ गते भित्र आफूसँग भएको हातहतियार बुझाउन प्रशासनले आग्रह गरेको हो।

जिल्लाभित्र रहेका इजाजत प्राप्त हात हतियारहरू निर्वाचन सम्पन्न भएको १ हप्ता पश्चात् फिर्ता हुने गरी ५ कार्तिक २०७९ भित्र जिल्ला प्रहरी कार्यालय वा नजिकको प्रहरी इकाईमा बुझाउन हतियारधनीहरूलाई अनुरोध गरिएको छ ।

तोकिएको समयभित्र हातहतियार नबुझाए कानुनबमोजिम कारबाही गरिने जिल्ला प्रशासन कार्यालयको सूचनामा उल्लेख गरिएको छ ।