रुवीभ्यालीमा भालुको आक्रमणबाट एकजना गम्भीर घाईते

अडियोमा सुन्नुहोस

धादिङ,०५ कात्तिक ।
धादिङको रुवीभ्याली गाउँपालिका वडा नम्बर ४ न्हेवेरमा भालुको आक्रमणबाट एक जना गम्भीर घाइते भएका छन् ।

शुक्रबार खुल्ला चौरमा गाईबस्तु चराउदै गरेका न्हेवेर गाउँका शुकबहादुर तामाङ भालुको आक्रमणबाट घाइते भएका हुन् । घाईते तामाङको दुवै हात खुट्टा र अनुहारमा गम्भीर चोट लागेको वडाध्यक्ष प्रशान्त तामाङले जानकारी दिनुभयो ।

उनलाई स्थानिय स्वास्थ्य चौकीमा सामान्य उपचार पश्चात थप उपचारको लागि शनिबार हेलिकप्टरमार्फत काठमाण्डौँ लगिएको वडाध्यक्ष तामाङले बताउनुभयो ।

एक बर्ष अघि भालुको आक्रमणबाट उक्त वडाकै हेन्दुङ गाउँकी एक महिला घाईते भएकी थिईन । बर्षेनी जंगली जनावरको आक्रमणमा परेपछी स्थानीय त्रसित बनेका छन् ।

जनावरको आतङ्कबाट बच्नलाई केन्द्र सरकारले विशेष पहल गर्नुपर्ने भन्दै वडा अध्यक्ष तामाङले स्थानीय सरकारले गर्नुपर्ने पहलकदमी पुृर्णरुपमा गर्ने बताउनुभयो ।