गस्ती जाने क्रममा भीरबाट खसेर घाइते भएकी म्यादी प्रहरीको मृत्यु

अडियोमा सुन्नुहोस

धादिङ,१६ कात्तिक ।
धादिङको त्रिपुरासुन्दरी गाउँपालिका सल्यानटारमा भीरबाट खसेर एक म्यादी प्रहरीको मृत्यु भएको छ ।

सोमबार दिउँसो साढे एकबजे ईलाका प्रहरी चौकीबाट म्यादी प्रहरी सहितको गस्ती जाने क्रममा  भीरबाट खसेर घाइते भएकी त्रिपुरासुन्दरी गाउँपालिका वडा नम्बर १ सल्यानटारकी २१ बर्षिया भवानी खकुरेलको उपचारको क्रममा आज मृत्यु भएको हो ।

घाईते खकुरेलको उपचारको क्रममा मंगलबार काठमाण्डौंमा मृत्यु भएको जिल्ला प्रहरी कार्यालय धादिङका प्रहरी नायव उपरिक्षक श्याम खत्रीले जानकारी दिनुभयो ।

म्यादी प्रहरीमा छनौट भएपछि खकुराललाई इलाका प्रहरी कार्यालय सल्यानटारमा खटाईएको थियो ।