काठमाण्डौबाट रुकुमका लागि छुटेको बस त्रिशूलीमा खस्यो, १६ जना घाइते

अडियोमा सुन्नुहोस

काठमाडौंबाट रूकुमकोट जाँदै गरेको बस धादिङको बेनिघाट रोराङ गाउँपालिका–१० हुग्दिखोलास्थित त्रिशुलीमा खसेको छ।

शनिबार राति सवा ६ बजे बा ४ ख ५७९० नम्बरको बस सडकबाट करिब २०० मिटर तल त्रिशुली किनारमा खसेको जिल्ला प्रहरी कार्यालय धादिङका डिएसपी श्यामबहादुर खत्रीले जानकारी दिनुभयो ।दुर्घटनामा चालकसहित १६ जना घाइते छन्। उनीहरूको उपचारका लागि स्थानीय मेडिकल पठाएको छ।

बस त्रिशुली किनारमै रहेको प्रहरीले जनाएको छ। घटनास्थलमा इलाका प्रहरी कार्यालय गजुरीबाट डिएसपीको कमान्डमा प्रहरीको टोली खटिएको छ।घाइतेहरूको विवरण आउन बाँकी रहेको प्रहरीले जनाएको छ।