लागुऔषध ‘खात’ सहित धादिङका रामकुमार र ललितपुरका कविराज पक्राउ

अडियोमा सुन्नुहोस

धादिङ,२५ कात्तिक।
ललितपुर महानगरपालिका–२४ स्थित धापाखेलबाट ग्रिन टीको नाममा नियन्त्रित लागुऔषध खात कारोबार गर्ने दुई जना पक्राउ परेका छन् ।

पक्राउ पर्नेमा धादिङ सिद्धलेक गाउँपालिका घर भएका २८ वर्षीय राम कुमार श्रेष्ठ र ललितपुर धापाखेल घर भएका ३६ वर्षका कविराज खड्का रहेको प्रहरीको लागुऔषध नियन्त्रण ब्यूरोले जनाएको छ ।

लामो समय सुचना संकलन गरेर कार्तिक २७ मा ग्रिन टि भनेर बेचविखन हुने गरेको लागुऔषध ‘खात’ ४८० किलो, एउटा बोलेरो गाडी र डिजिटल तौल मेसिनसमेत बरामद गरिएको ब्यूरोका प्रवक्ता प्रहरी उपरीक्षक योगेन्द्रकुमार खड्काले जानकारी दिनुभयो।

खड्काको घर कम्पाउण्डमा बा.२० च १५८ नम्बरको बोलेरो जिपमा प्याक गरेको अवस्थामा २२० केजी र घरमा लुकाएर राखेको अवस्थामा २६० काटुर्न खात प्रहरीले बरामद गरेको हो ।

केहो खात ?
खात एक प्रकारको बनस्पती हो, जसलाई १९८० मा विश्व स्वास्थ्य संगठनले ‘लागुऔषध’ बर्गिकरण गरेको थियो । यमन तथा ईथियोपिया लगायतका अफ्रिकन मुलुकमा खातको खेती हुने गर्छ ।

‘खात’को प्रयोग गर्दा प्रयोगकर्तालाई भोक नलाग्ने र क्यान्सर समेत हुनसक्छ । यसलाई ‘सोमाली टि’ र ‘अरेबियन टि’ पनि भनिन्छ । यसलाई चपाएर, चुरोट जसरी वा ग्रिन टि खाएर जसरी पनि खाने गरिन्छ ।खातलाई अमेरिकामा १९७१ मे १ देखी प्रतिबन्ध लगाइएको थियो ।