धादिङ जिल्ला कारागारका ६१ कैदीबन्दीले गरे मतदान

अडियोमा सुन्नुहोस

धादिङ,०४ मंसिर ।
जिल्ला कारागार धादिङको अस्थायी मतदान केन्द्रबाट ६१ कैदीबन्दीले मतदान गरेका छन् । बिहान ७ बजे नै मतदान सुरु भएको कारागारमा ६१ कैदीबन्दीले मतदान गरेको जिल्ला प्रहरी कार्यालय धादिङका प्रहरी नायव उपरिक्षक श्याम बहादुर खत्रीले जानकारी दिनुभयो ।

उनीहरुले प्रतिनिधिसभाको समानुपातिकतर्फमात्र मतदान गर्नुभएको खत्रीले बताउनुभयो। समानुपातिकको मत आयोगमा दर्ता भएका राजनीतिक दलले मात्र पाउने प्रावधान छ ।

निर्वाचन आयोगले पहिलोपटक मतदाता नामावलीमा नाम समावेश भएका कैदीबन्दीलाई मतदान गर्ने व्यवस्था गरेको थियो ।धादिङमा १ सय १४ मतदान स्थल अन्तर्गत ३०३ मतदान केन्द्र र एक अस्थायी मतदान केन्द्र रहको छ ।