नेत्रावती–४ भोग्टेनीमा मतदान स्थगित:जिल्लाभर २ बजेसम्म २९.४८ प्रतिशत मत खस्यो

अडियोमा सुन्नुहोस

धादिङ,०४ मंसिर ।
धादिङमा अहिलेसम्म २९.४८ प्रतिशत मत खसेको छ । जिल्ला निर्वाचन कार्यालय धादिङका अनुसार जिल्लाका सबै मतदान केन्द्रमा गरेर दिउँसो २ बजेसम्म २९.४८प्रतिशत मत खसेको हो ।

हालसम्म महिला ३३ हजार ६७१ र पुरुष ४४ हजार ७२८ गरी जम्मा ७८हजार ३९९ मत खसेको छ । जिल्लाको त्रिपुरासुन्दरी गाउँपालिका वडा नं ७ को मतदान केन्द्रमा बिबाद हुदाँ केहीबेर मतदान स्थगित भएको र हाल पुन मतदान सुरु भएको निर्वाचन कार्यालयले जनाएको छ ।

भर्खरै प्राप्त जानकारी अनुसार नेत्रावती डबजोङ–४ भोग्टेनीमा बिबादका कारण मतदान स्थगित भएको छ । अन्य सबै केन्द्रमा मतदान शान्तिपूर्ण रुपमा सञ्चालन भैरहेको जनाएको छ ।

तस्विर :धादिङ क्षेत्र नं १ को सिद्धलेक गाउँपालिका– २ को मतदान केन्द्रमा मतदान गर्दै मतदाता