चर्चित कार्यक्रम वहकिने मनका प्रस्तोता विश्वकर्माको सवारी दुर्घटनामा मृत्यु

अडियोमा सुन्नुहोस

धादिङ,०६ मंसिर ।
चर्चित रेडियो कार्यक्रम प्रस्तोता महावीर विश्वकर्माको निधन भएको छ ।

चितवनबाट काठमाडौं फर्किने क्रममा मंगलबार विहान ५ः३० बजेको समयमा राप्ती नगरपालिका ६ हर्दीचोक स्थितमा बिग्रेर रोकी राखेको ना २ ख ८५२२ नम्बरको (भुस लोड) ट्रकको पछाडि उनी सवार बा ४ ख ४१२ नम्बरको माइक्रोहायस ठोक्किँदा ३५ वर्षिय विश्वकर्माको मृत्यु भएको हो । माइक्रोमा सवार चालकसहित ५ जना घाइते भएका छन् ।

विश्वकर्माको गाडीमा च्यापिएको अबस्थामा उद्धार गरिएको थियो । महाबिरलाई ०७ः ३७ बजेको समयमा पुरानो मेडिकल कलेजले मृत घोषणा गरेको हो ।

चर्चित कार्यक्रम वहकिने मनका प्रस्तोता उनी वैज्ञानिक समाजवादी कम्युनिष्ट पार्टी, नेपालका केन्द्रिय सदस्य हुन् ।