पुलबाट टिपर खस्दा धादिङका सन्तबहादुरको मृत्यु

अडियोमा सुन्नुहोस

नारायणगढ–मुग्लिन सडक खण्डमा आज बिहान टिपर दुर्घटना हुँदा एक जनाको मृत्यु भएको छ । मृत्यु हुनेमा धादिङको बेनिघाट रोराङ गाउँपालिकाका ४२ वर्षीय सन्तबहादुर राई रहेको जिल्ला प्रहरी कार्यालय चितवनले जनाएको छ ।

मुग्लिनबाट नारायणगढतर्फ जाँदै गरेको बा २ ख ७४६२ नं को टिपर अनियन्त्रित भई पल्टिँदा टिपरका चालक राईको मृत्यु भएको जिल्ला प्रहरी कार्यालय चितवनका प्रवत्ता विजयाराज पण्डितले जानकारी दिनुभयो।

इच्छाकामना गाउँपालिका–५ तीन नम्बर पुलबाट २० मिटर तल तुईन खोलामा टिपर खसेको उहाँले जानकारी दिनुभयो ।