धादिङको थाक्रेमा साइबर सुरक्षासम्बन्धी अभिमुखीकरणसम्बन्धी कार्यक्रम

अडियोमा सुन्नुहोस

धादिङको थाक्रे गाउँपालिकाको वडा नम्बर २ मा साइबर सुरक्षासम्बन्धी दुई दिने अभिमुखीकरणसम्बन्धी कार्यक्रम सम्पन्न भएको छ । नेपाल दूरसञ्चार प्राधिकरणको सहकार्यमा एड चौतारी प्रालिको आयोजनामा बिहीबार र शुक्रबार वडा नम्बर २ को महाकाली मावि सिम्ले र वडा नम्बर ६ को जनजागृति माविमा अभिमुखीकरणसम्बन्धी कार्यक्रम गरिएको हो ।

साइबर सुरक्षाबारे सहजकर्ता विनोद भट्ट र केशवप्रसाद रुपाखेतीले कार्यक्रममा सहभागीलाई प्रशिक्षण दिएका थिए । जसमा साइबर अपराध र साइबर सुरक्षाबाट कसरी बच्ने ? जस्ता विषयमा प्रशिक्षण दिइएको थियो ।

शिक्षक, विद्यार्थी र अभिभावकको उपस्थिति रहेको कार्यक्रममा सामाजिक सञ्जालको प्रयोग, पासवर्ड के कसरी राख्ने ? फेसबुक, जिमेल, बैंक अकाउन्ट कसरी सुरक्षित गर्ने ? कुनै ठाउँमा जाँदा तस्बिर राख्ने कि नराख्ने ? विदेशबाट पैसा आएको प्रलोभन दिँदा के गर्ने ? जस्ता विषयमा सहजकर्ता भट्ट र रुपाखेतीले जानकारी दिएका थिए ।