गल्छी र थाक्रेबाट ४३ किलाेग्राम चरेस सहित दुईजना पक्राउ

अडियोमा सुन्नुहोस

धादिङ,११ माघ ।
धादिङकाे गल्छी र थाक्रे गाउँपालिका क्षेत्रबाट ४३ किलोग्राम लागुऔषध चरेससहित दुईजना पक्राउ परेका छन् ।

बुधबार बिहान गल्छी-६ सुत्केरी ढुङगाबाट ३४ किलो ५ सय ग्राम लागुऔषध चरेश सहित धादिङकाे गजुरी-८ किरान्चोकका ३२ वर्षीय बिर बहादुर तामाङ पक्राउ परेका हुन् ।

तामाङलाई चरेश ल्याउदै गरेको सुचनाको आधारमा लागु औषध ब्युरो कोटेश्वरका प्रहरी निरिक्षक जिबन निरौलाको कमाण्डमा खटिएको प्रहरी टोलिले पक्राउ गरेको जिल्ला प्रहरी कार्यालय धादिङका सुचना अधिकारी श्यामबहादुर खत्रीले जानकारी दिनुभयाे ।

यसैगरि मंगलबार थाक्रे गाउँपालिकाकाे महादेबबेशीबाट ८ किलाे ५ सय ग्राम चरेस सहित एक महिलालाई प्रहरीले पक्राउ गरेकाे छ ।

इलाका प्रहरी कार्यालय खानिखाेलाकाे प्रहरी टाेलीले पालुङबाट माहादेवबेसीतर्फ आउँदै गरेको बा ५ ख ६५९० नम्बरको यात्रुबाहक बस चेकजाँचका क्रममा मकवानपुरकाे थाहा नगरपालिका-८ कि ३५ वर्षीय लक्ष्मी पुरीलाई पक्राउ गरेकाे जिल्ला प्रहरी कार्यालय धादिङका सुचना अधिकारी खत्रीले बताउनुभयाे ।

पक्राउ परेका दुबै जनालाई प्रतिबन्धित लागुऔषध अन्तरगत मुद्दा चलाईने प्रहरिले जनाएकाे छ ।

तस्वीर : मंगलबार पक्राउ परेकी लक्ष्मी पुरी