बलात्कार आरोपी मनोज पाण्डेलाई ७ वर्ष जेल र ७५ हजार रुपैयाँ सजाय

अडियोमा सुन्नुहोस

बालिकामाथि जबर्जस्ती करणी गरेको आरोप लागेका सौन्दर्य प्रतियोगिताका सञ्चालक मनोज पाण्डेलाई काठमाडौँ जिल्ला अदालतले ७ वर्षको जेल सजाय सुनाएको छ ।

सोमबार न्यायाधीश दीपक ढकालको इजलासले पाण्डेलाई ७ वर्ष कैद र पीडितलाई ७५ हजार रुपैयाँ क्षतिपूर्तिको सजाय तोकेको हो ।

आरोपी पाण्डेमाथि सौन्दर्य प्रतियोगिताको नाममा ८ वर्षअघि एक किशोरीमाथि बलात्कार गरेको अभियोग थियो । यद्यपि बलात्कार मुद्दाको हदम्याद नाघिसकेका कारण उनीविरुद्ध मानव बेचबिखन मुद्दा दायर गरिएको थियो ।