मार्पाकका रेडक्रसकर्मीद्धारा धादिङ जिल्ला शाखामा तालाबन्दी

अडियोमा सुन्नुहोस

धादिङ,०८ फागुन ।
नेपाल रेडक्रस सोसाईटी धादिङ जिल्ला शाखामा तालाबन्दी भएको छ ।

उत्तरी धादिङको मार्पाक उपशाखामा २ सय ५९ जना आजिवन सदस्यमध्ये १ सय २३ जना आजिवन सदस्यले आफुलाई जानकारी नदिई उपशाखाको साधारणसभा र अधिवेशन गरेकोले पुनः साधारणसभा र अधिवेशन गर्न माग गर्दै मार्पाकका रेडक्रसकर्मीद्धारा सोमबार धादिङ जिल्ला शाखामा तालाबन्दी गरेका हुन् ।

मार्पाक उपशाखाका पुर्व सभापति समेत रहनुभएका चन्द्रबहादुर अधिकारीको नेतृत्व टोलीले तालाबन्दी गर्दै उपशाखाको पुनः निर्वाचन गराउन र जिल्ला शाखाको अधिवेशनमा सहभागी गराउन माग गरेका छन् ।

पुस २३ गरिएको उपशाखा अधिवेशन तथा साधारणसभामा आजिवन सदस्यहरुलाई खबर नभएर कार्यक्रममा नआएपछि साारणसभा तथा अधिवेशन पुनः गर्न माग गर्दै पुस २८ गते जिल्ला शाखामा १ सय २३ जना आजिवन सदस्यहरुको हस्ताक्षरसहित उजुरी गरिएको थियो ।

जिल्ला शाखाले आजिवन सदस्यको माग सम्बोधन नगरेका कारण जिल्ला प्रशासन कार्यालयमा फागुन २ गते आजिवन सदस्यहरुको हस्ताक्षर सहित उजुरी गरिएकोमा सोहिदिन जिल्ला प्रशासन कार्यालयबाट नेपाल रेडक्रस सोसाइटीलाई पत्रसहित स्पष्टीकरण सोधेको थियो ।

आजदेखी नेपाल रेडक्रस सोसाईटी धादिङको ३६ औँ साधारणसभा तथा १२ औँ अधिवेशन सुरु भएको छ । साधारणसभा तथा अधिवेशन चलिरहेको समयमा जिल्ला शाखाको कार्यालयमा तालाबन्दी भएको छ ।

जिल्ला सभा संचालन भईरहँदा समेत आफुहरुको माग सम्बोधन नभएकोले न्यायिक निकायसमक्ष जाने मार्पाक उपशाखाका पुर्व सभापति चन्द्रबहादुर अधिकारीले बताउनुभयो ।तस्विर:सिताराम अधिकारी