मनसुन पूरै बाहिरिन अझै ४/५ दिन लाग्ने

अडियोमा सुन्नुहोस

नेपालबाट मनसुन पूरै बाहिरिन अझै ४/५ दिन लाग्ने भएको छ।

नेपालको सुदूरपश्चिम तथा कर्णाली प्रदेशको पश्चिमी क्षेत्रबाट बाहिरिएको मनसुन मध्य र पूर्व हुँदै पूर्णरुपमा बाहिरिन अझै ४/५ दिन लाग्ने मौसमविद् वरुण पौडेलले बताउनुभयो ।

यो वर्ष नेपालमा गएको जेठ ३१ गते पूर्वी क्षेत्रबाट मनसुन भित्रिएको थियो ।

सरदर मितिभन्दा एक दिन ढिला गरी भित्रिएको मनसुन सरदर मितिभन्दा चार दिन ढिला गरी हिजोदेखि बाहिरिन थालेको हो । नेपालमा मनसुन भित्रने सरदर मिति जुन १३ र बाहिरिने मिति अक्टुबर २ तारिख हो ।