धादिङ सातदोबाटोमा जीप दुर्घटना : एक जनाको मृत्यु,१६ घाईते

अडियोमा सुन्नुहोस

धादिङ । गंगाजमुना गाउँपालिका वडा नम्बर ४ स्थित सातदोबाटोमा जीप दुर्घटना हुँदा एक जनाको मृत्यु भएको छ।१६ जना घाईते भएका छन् ।

सदरमुकाम धादिङबेसीबाट गंगाजमुना गाउँपालिकाको ताजिम्राङतर्फ जाँदै गरेको मे १ ज २६६९ नम्बरको जीप दुर्घटना हुँदा गंगाजमुना गाउँपालिका–२ का १६ वर्षीय अनुरुप तामाङको मृत्यु भएको जिल्ला प्रहरी कार्यालय धादिङका सूचना अधिकारी(प्रहरी नायव उपरीक्षक) सन्तुलालप्रसाद जैसवारले जानकारी दिनुभयो ।

दुर्घटनामा परी दशै विदामा घर जान लागेका बालबालिका र अभिभावकहरु घाईते भएको स्थानिय सामाजिक कार्यकर्ता धर्म थपलियाले बताउनुभयो ।

घाईतेहरुको स्थानिय गुम्दी स्वास्थ्य चौकी सातदोबाटोमा उपचार भईरहेको छ ।चालकलाई  प्रहरीले नियन्त्रणमा लिएको छ।