मदिरा बिक्री र उपभोगमा प्रतिबन्ध

अडियोमा सुन्नुहोस

भोलि बुधबार बाँकेमा मदिरा बिक्री, वितरण तथा उपभोग गर्न नपाइने भएको छ ।

जिल्ला प्रशासन कार्यालय बाँकेले आज एक सूचना जारी गर्दै बडादसैँको भोलिपल्ट बुधबारका दिन निस्कने दुर्गा मूर्ति विसर्जन र्‍यालीलाई सभ्य, शान्त, अनुशासित एवम् मर्यादित बनाउन मदिरा बिक्री, वितरण तथा उपभोगमा प्रतिबन्ध लगाएको हो ।

बुधबार बिहान ८ बजेदेखि राति १२ बजेसम्म मदिराजन्य पदार्थको ओसारपसार, बिक्री, वितरण तथा उपभोग निषेध गरिएको
बाँकेका प्रमुख जिल्ला अधिकारी श्रवणकुमार पोखरेलले जारी गरेको सूचनामा उल्लेख छ ।

सूचनाको बर्खिलाप हुने गरी कुनै गतिविधि भएमा कानुन बमोजिम कारबाही गरिने सूचनामा उल्लेख छ । प्रशासन कार्यालयले दुर्गा मूर्ति विसर्जनका लागि समय सीमा समेत निर्धारण गरेको छ ।