जाजरकोट भूकम्प अपडेट : मृत्यु हुनेको संख्या १५७ पुग्यो,१६० जना घाईते

अडियोमा सुन्नुहोस

जाजरकोट र रुकुम पश्चिममा गएराति आएको भूकम्पबाट मृत्यु हुनेको संख्या १५७ पुगेको छ।प्रधानमन्त्री तथा मन्त्रिपरिषद्को कार्यालयका अनुसार जाजरकोटमा १०५ र रुकुम पश्चिममा ५२ जना गरी अहिलेसम्म १५७ जनाको मृत्यु भएको छ।

सबैभन्दा धेरै भूकम्पको केन्द्रबिन्दु रहेको जाजरकोटमा १०५ जनाको मृत्यु भएको छ । जसमा ७२ जना महिला र ३३ जना पुरुष रहेका छन् । त्यस्तै, रुकुम पश्चिममा ५२ जनाको मृत्यु भएको छ । जसमध्ये २७ जना महिला र २५ जना पुरुष रहेका छन् ।

त्यस्तै जाजरकोटमा ८१ र रुकुम पश्चिममा ७९ जना घाइते भएका छन्।