सिद्धलेक–१ आरुगैरामा नमुना बाल समुह गठन,अध्यक्षमा सुनिता शाक्य

अडियोमा सुन्नुहोस

धादिङ। सिद्धलेक गाउँपालिका वडा नं १ स्थित आरुगैरामा नमुना बाल समुह गठन गरिएको छ।सोमबार एक कार्यक्रका बिच सुनिता शाक्यको अध्यक्षतामा ११ सदस्यीय बाल समुह गठन गरिएको हो ।

गठित बाल समुहको उपाध्यक्षमा गौरव राना मगर, सचिव तोलमान शाक्य , सहसचिव सपना लोप्पा मगर र कोषाध्यक्षमा नौमति श्रेष्ठ रहेकी छिन् ।त्यस्तै सदस्यहरुमा मनिषा श्रेष्ठ, सुस्मिता शाक्य, अमृता राना मगर, अमित राना मगर, गरिमा राना मगर र लक्ष्मण श्रेष्ठ रहेका छन् ।

नव गठित समुहकी अध्यक्ष शाक्यले पढाइलाई निरन्तरता दिँदै बचेको समय बाल समुहमा लगानी गर्ने, अतिरिक्त क्रियाकलापमा पनि सक्रिय हुने,समुदायमा सरसफाइ तथा अरू रचनात्मक कार्यक्रम गर्ने बताउनुभएको वडा नं १ का वडाध्यक्ष पेमा वाङ्ग्याल लामाले जानकारी दिनुभयो ।

गाउँपालिकामै पहिलो पटक आरुगैरामा बाल समुह गठन गरिएको भन्दै वडाध्यक्ष लामाले वडाको प्रत्येक समुदायमा समुह गठन गर्दै वडास्तरमा बाल क्लब गठन गरिने बताउनुभयो ।

उहाँले बालबालिकालाई कुनै पनि अवसरबाट वञ्चित गराउन नहुने,बालबालिका संरक्षणका लागि सबै पक्षमा विशेष ध्यान दिनुपर्ने, घरपरिवार, विद्यालय, छरछिमेक, समाज सबै ठाँउमा बालबालिकाले संरक्षण पाउनुपर्ने बताउनुभयो।