धादिङमा ट्रक दुर्घटना हुँदा एक जनाको मृत्यु, तीन घाइते

अडियोमा सुन्नुहोस

धादिङ। खनियाबास गाउँपालिका–५ च्युल्पामा ट्रक दुर्घटना हुँदा एक जनाको मृत्यु भएको छ। ३ जना घाइते भएका छन् ।

मृत्यु हुनेमा खनियाबास–५ सिमी बस्ने ४६ वर्षीय ल्वाङ लामा रहेकोे जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिनुभयो।

बुधबार साँझ दाउरा बोकेको बा ५ ख ५९६३ नम्बरको नम्बरको आइचर ट्रक अनियन्त्रित भएर सडकबाट झन्डै ३० मिटर तल खसेर दुर्घटना भएको मिश्रले बताउनुभयो।

दुर्घटना परी सोही ठाउँका ३५ वर्षीया मरूमायाँ तामाङ, २४ वर्षीया शर्मिला तामाङ र ट्रक चालक ४९ वर्षीय धनबहादुर तामाङ  घाइते भएका छन् ।

घाईतेहरुको नुवाकोट स्थित त्रिशुली अस्पतालमा उपचार भईरहेको प्रहरीले जनाएको छ।