कार भित्र फेलापरेको शंकास्पद सुटकेसमा थोत्रा कपडा,सुर्ती र चिजबल

अडियोमा सुन्नुहोस

धादिङ । सदरमुकाम धादिङबेशी बिचबजारमा पार्किङ गरिराखेको कार भित्र फेलापरेको शंकास्पद सुटकेसमा थोत्रा कपडा,सुर्ती र चिजबल रहेको खुुलेको छ ।

नीलकण्ठ नगरपालिका–३ बीचबजारमा पार्किङ गरिराखेको बा १६ च ९१७२ नम्बरको त्रिपुरा पुस्तक पसलका सञ्चालक नारायण कुमार श्रेष्ठको गाडिमा अपरिचित ब्यक्तिले राखेको सुटकेस झण्डै ५ घन्टा पछि नेपाली सेनाको डिस्पोजल टोलिले डिस्पोज गरेको थियो ।

राती पौने आठ बजे सेनाले डिटोनेटर राखेर ब्रिफकेश पड्काएपछि झोला सर्च गर्दा सेनाले डिटोनेटर राखेर ब्रिफकेश पड्काएपछि झोला सर्च गर्दा सामाग्रिहरु फेला परेको हो ।

शंकास्पद बस्तु फेलापरेपछी बिचबजार बजार क्षेत्र सिल गरिएको थियो भने दिनभर धादिङबेशी बजारमा तनावको स्थिति सिर्जना भएको थियो ।बजार तनावग्रस्त भएपनि हजारौं मानिस डिस्पोज गरेको हेर्न घटनास्थल पुगेका थिए ।

कारमा शंकास्पद बस्तु राख्ने एक करिब ३०/३५ वर्षका जनालाई सिसिटिभि फुटेजका आधारमा प्रहरीले मलेखु नजिकै फुर्खेखोलाबाट गिरफ्तार गरेको धादिङका प्रहरी उपरिक्षक गौतम केसीले बागमती कलमलाई जानकारी दिनुभयो ।

ती व्यक्ति लाई प्रहरीले पक्राउ गरेको बताए पनि उसको परिचय खुलाएको छैन ।

नेपाली सेनाको शिवदल गणका गणपति अरुण कार्कीका अनुसार यस विषयमा थप अध्ययन भईरहेको छ ।