धादिङमा पहिरो पन्छाउन लाग्दा एक जनाको मृत्यु

अडियोमा सुन्नुहोस

धादिङ। थाक्रे गाउँपालिका वडा नम्बर ६ महादेवबेशीमा घरमा आएको पहिरो सोर्ने क्रममा एकजनाको मृत्यु भएको छ।

तिनदिन देखिको वर्षा कारण घरमा आएको पहिरो सोर्ने क्रममा शनिबार बिहान कान्छा राईको मृत्यु भएको जिल्ला प्रहरी कार्यालय धादिङका सुचना अधिकारी प्रल्हाद सिलवालले बागमती कलमलाई जानकारी दिनुभयो।

करेसामा भल पस्यो भनेर पन्छाउन लाग्दा घर माथिबाट आएको पहिरोले पुरिँदा मृत्यु भएको सिलवालले बताउनुभयो।

अहिले महादेववेशी र यस क्षेत्रको मशेशखोलामा बाढीको बहाव बढेको छ । नदी तटीय क्षेत्रको घरहरु खालि गरिएको प्रहरीको भनाई छ।