बाढी,पहिरो र डुबानबाट दुई सय १७ जनाले ज्यान गुमाए,२८ जना बेपत्ता

अडियोमा सुन्नुहोस

काठमाण्डौ । बाढी,पहिरो र डुबानका कारण ज्यान गुमाउनेको सङ्ख्या दुई सय १७ जना पुगेको छ ।

गत बिहिबारदेखी अहिलेसम्मको अविरल वर्षाका कारण आएको बाढी,पहिरो र डुबानमा २८ जना बेपत्ता रहेको र एक सय ४३ जना घाइते भएको पछिल्लो विवरणमा उल्लेख छ ।

बाढी, पहिरोपछिको खोज, उद्धार र राहतका लागि सबै सुरक्षा निकाय परिचालित भइरहेको गृह मन्त्रालयका प्रवक्ता ऋषिराम तिवारीले जानकारी दिनुभयो ।

बाढी प्रभावितलाई खाद्यान्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार भइरहेको बताउनुभयो ।