नलाङ रेडक्रसद्धारा ठाँटीभञ्ज्याङमा सरसफाई,रेडक्रसको कार्यालय स्थापना (तस्विर र भिडियोसहित)

अडियोमा सुन्नुहोस

धादिङ । नेपाल रेडक्रस सोसाईटी नलाङ उपशाखाले सिद्धलेक गाउँपालिका–२ नलाङस्थित ठाँटीभञ्ज्याङमा सरसफाई कार्यक्रम गरेको छ।

बिहिबार रेडक्रस उपशाखाले वडा नं २ को सहकार्यमा ठाँटीभञ्ज्याङका बिभिन्न क्षेत्रमा सरसफाई गरेको हो।

आफ्नो टोल आफैँ सरसफाइ गर्नुपर्छ भन्ने सन्देशसहित जनचेतना जगाउन सरसफाई कार्यक्रमले महत्वपूर्ण भूमिका खेल्ने भएकाले स्थानीयवासी र वडासँग सहकार्य गरि कार्यक्रम आयोजना गरिएको उपशाखाका सभापती अमृत गुरुङ (तिलक) ले जानकारी दिनुभयो।

कार्यक्रमका क्रममा ठाँटीभञ्ज्याङको विभिन्न १० स्थानमा डस्विन राखिएको उहाँले बताउनुभयो ।

अब छिट्टै हरेक टोलमा टोल विकास समिति गठन गरी हरेक गाउँ टोल पूर्ण रुपमा सफा राख्न सरसफाई कार्यक्रमलाई निरन्तरता दिने बताउनुभएको छ ।

उहाँले रेडक्रसको सेवालाई अझै प्रभावकारी रूपमा कार्यान्वयन गराई सामाजिक कार्यमा सक्रिय रहने बताउनुभयो ।

यसैगरी रेडक्रस सोसाइटी नलाङ उपशाखाको कार्यालय ठाँटीभञ्ज्याङमा स्थापना गरिएको छ ।

वडाध्यक्ष शम्भु गुरुङ (सागर) को प्रमुख आतिथ्यतामा पहिलेको वडा कार्यालय भवनमा रेडक्रस कार्यालय स्थापना गरिएको हो ।

कार्यक्रममा वडा नं २ का जनप्रतिनीधिहरुसँगै स्थानीय प्रवुद्ध व्यक्तित्वहरुको सहभागीता रहेको थियो । नेपाल रेडक्रस सोसाईटी नलाङ उपशाखाले रक्तदान कार्यक्रम लगाएत बिभिन्न सामाजिक कामहरु गर्दै आएको छ ।

हेर्नुहोस् रेडक्रस सोसाईटी नलाङ उपशाखाका सभापती अमृत गुरुङ (तिलक) सँगको कुराकानीको भिडियो ….