भोलिदेखि सीतापाइला–धार्के सडक बन्द हुने

अडियोमा सुन्नुहोस

काठमाण्डौ । सडक स्तरोन्नतिका लागि भोलिदेखि सीतापाइला–धार्के सडक १५ दिनका लागि बन्द हुने भएको छ।

जिल्ला प्रशासन कार्यालय धादिङले सूचना जारी गर्दै काठमाण्डौको सीतापाइलाबाट धादिङको धार्के जोड्ने सडकको स्तरोन्नति गर्नका लागि भोलि कात्तिक २३ गतेदेखि १५ दिनका लागि बन्द हुने जानकारी गराएकोे हो ।

उक्त सडक खण्डमा कालोपत्र गर्ने काम भइरहेकाले एम्बुलेन्स, सुरक्षा निकायका गाडी र हलुका चार पाङ्ग्रे गाडीबाहेकका सबै प्रकारका गाडीलाई सडक खण्डमा पूर्णरूपमा रोक लगाइने सूचनामा उल्लेख छ।

प्रशासनले सडकको स्तरोन्नति अवधिभरि गाडी चालकलाई वैकल्पिक मार्ग प्रयोग गर्न आग्रह गरेको छ।

वैकल्पिक मार्गका रूपमा गल्छी–विदुर–छहरे–टोखा वा धार्के नौबिसे–नागढुङ्गा सडक प्रयोग गर्न सकिने सूचनामा भनिएको छ।

जिल्ला प्रशासन कार्यालय धादिङद्धारा जारी सूचना