धादिङमा बोलेरोको ठक्करबाट एक जनाको मृत्यु,एक घाइते

अडियोमा सुन्नुहोस

धादिङ । धादिङको बेनीघाट रोराङ गाउँपालिका वडा नं ३ डार्केफाटमा बोलेरोको ठक्करबाट एक पैदलयात्रुको मृत्यु भएको छ।

आज दिउँसो ताल्तिबाट मलेखु आउँदै गरेको बा २० च १९९९ नम्बरको बोलेरोले ठक्कर दिदाँ बेनीघाट–२ की १९ वर्षिय अनिशा मिजारको मृत्यु भएको जिल्ला प्रहरी कार्यालय धादिङका सूचना अधिकारी (प्रहरी निरीक्षक) प्रल्हाद सिलवालले जानकारी दिनुभयो।

ठक्करबाट सोही ठाउँकी २६ वर्षिय प्रशंसा मिजार घाइते भएकी छिन्।

चालक गोपी बहादुर ठकुरी र बोलेरो प्रहरीको नियन्त्रणमा रहेको प्रहरी निरीक्षक सिलवालले जानकारी दिनुभयो।