रिजाल डाँडामा सचेतना मुलक अभिमुखिकरण कार्यक्रम

अडियोमा सुन्नुहोस

धादिङ । निलकण्ठ नगरपालिका वडा नं १२ स्थित साङ्कोष रिजाल डाँडामा लैंगिक हिंसा विरुद्धको १६ दिने अभियानको अवसरमा सचेतना मुलक अभिमुखिकरण कार्यक्रम सम्पन्न भएको छ ।

हामी सबैको प्रतिबद्धता : लैंगिक हिंसा अन्त्यको लागि ऎक्यबद्द्ता भन्ने नाराको साथमा सुरु भएको अभियान अन्तरगत बिहिबार अभिमुखिकरण कार्यक्रम गरिएको हो।

कार्यक्रममा सहारा महिला साकोसका अध्यक्ष पार्वती राई खाँणले सहारा महिला साकोसको गतिविधि , महिलाको आर्थिक सशक्तीकरणमा सहकारीको भुमिका लगाएतका बिषयमा बोल्नुभएको थियो ।

त्यसैगरी कार्यक्रममा लैंगिक हिंसा , लैंगिक हिंसाको कारण ,प्रकार र असरहरुका बारेमा महिला मानवअधिकार रक्षक गायत्री खतिवडा ,आत्महत्याको लक्षण र रोकथामको उपायबारेमा महिला मानवअधिकार रक्षकहरुको जिल्ला सन्जाल धादिङको अध्यक्ष खिल कुमारी तिवारीले सहजीकरण गर्नुभएको थियो ।

६० जना महिला दिदिबहिनीहरुको सहभागिता रहेको कार्यक्रममा उपस्थित दिदिबहिनीले आ-आफ्नो अनुभव सुनाएका थिए ।