बसको ढोकाबाट खसेर दुई जनाको मृत्यु

अडियोमा सुन्नुहोस

काठमाडौं- काठमाडौंको तारकेश्वर नगरपालिका–८ स्थित शेषमती लामबगर शान्तिटोल गेट नजिकै बसको ढोकाबाट खसेर दुई जनाको मृत्यु भएको छ।

मृत्यु हुनेमा नुवाकोटको ककनी गाउँपालिका–५ बस्ने ५० वर्षीय सन्च बहादुर लामा र नुवाकोटकै तादी गाउँपालिका–१ का ५८ वर्षीया सुन्तरी ओझा रहेको प्रहरीले जनाएको छ ।

प्रहरीका अनुसार शनिबार बिहान बसको ढोकाबाट खसेर गम्भीर घाइते भएका उनीहरूको त्रिवि शिक्षण अस्पतालमा उपचारका क्रममा मृत्यु भएको हो।

बसबाट खसेर बसका सह–चालक पनि घाइते भएका छन् ।

उनको राष्ट्रिय ट्रमा सेन्टरमा उपचार भइरहेको छ । चालक भने फरार रहेको र खोजी भइरहेको प्रहरीले जनाएको छ ।