धादिङमा प्रत्यक्ष र समानुपातिकगरी झण्डै २६ हजार मत बदर (विवरण सहित)

धादिङ,१५ मंसिर ।
धादिङमा प्रत्यक्ष र समानुपातिकतर्फ प्रतिनिधिसभा र प्रदेशसभामा खसेका मतमध्ये झण्डै २६ हजार मत बदर भएको छ ।

प्रत्यक्षतर्फमात्रै प्रतिनिधिसभा र प्रदेशसभामा गरी १० हजार ९३० मत र समानुपातिकतर्फ प्रतिनिधिसभा र प्रदेशसभामा गरी १४ हजार ९९२ मत गरी कुल २५ हजार ८५२ मत बदर भएको हो ।

कुल २ लाख ६५ हजार ९९६ मतदाता रहेको धादिङ जिल्लामा प्रतिनिधिसभा प्रत्यक्षतर्फ खसेको १ लाख ५० हजार ३९१ मतमध्ये ६ हजार २३५ मत बदर भएको छ । जिल्लामा दुई प्रतिनिधि सभा र चार प्रदेश रहेको छ।

जसमा क्षेत्र नं १ को प्रतिनिधिसभा तर्फ १ लाख ३२ हजार ३५४ मतदाता रहेकोमा खसेको ८० हजार ६१५ मतमध्ये २ हजार ८२८ मत बदर भएको निर्वाचन कार्यालय धादिङले जनाएको छ ।

यस्तै क्षेत्र नं १ को प्रदेश (क) मा ७३ हजार १५७ मतदाता रहेकोमा ४४ हजार ७१६ मत खस्दा १ हजार ३५२ मत बदर भएको छ ।
क्षेत्र नं १ को प्रदेश (ख) मा ५९ हजार १९७ मतदाता रहेकोमा ३५ हजार ९५४ मत खस्दा १ हजार ६७ मत बदर भएको छ ।

यसैगरी क्षेत्र नं २ को प्रतिनिधिसभा तर्फ १ लाख ३३ हजार ६४२ मतदाता रहेकोमा खसेको ६९ हजार ७७६ मतमध्ये ३ हजार ४०७ मत बदर भएको निर्वाचन कार्यालय धादिङले जनाएको छ ।

क्षेत्र नं २ को प्रदेश (क) मा ७० हजार ७०१ मतदाता रहेकोमा ३८ हजार ४०० मत खस्दा १ हजार ११२ मत बदर भएको छ ।

क्षेत्र नं २ को प्रदेश (ख) मा ६२ हजार ९४१ मतदाता रहेकोमा ३१ हजार २१२ मत खस्दा १ हजार ६४ मत बदर भएको छ ।

यसैगरी कुल २ लाख ६५ हजार ९९६ मतदाता रहेको धादिङ जिल्लामा प्रतिनिधिसभा समानुपातिकतर्फ खसेको १ लाख ५१ हजार २०६ मतमध्ये ६ हजार ६१० मत बदर भएको छ । जिल्लामा दुई प्रतिनिधि सभा र चार प्रदेश रहेको छ।

जसमा क्षेत्र नं १ को प्रतिनिधिसभा तर्फ १ लाख ३२ हजार ३५४ मतदाता रहेकोमा खसेको ८० हजार ११७ मतमध्ये ३ हजार ५२ मत बदर भएको निर्वाचन कार्यालय धादिङले जनाएको छ ।

यस्तै क्षेत्र नं १ को प्रदेश (क) र (ख) मा १ लाख ३२ हजार ३५४ मतदाता रहेकोमा ८० हजार ७०३ मत खस्दा ४ हजार ९२ मत बदर भएको छ।

यसैगरी क्षेत्र नं २ को प्रतिनिधिसभा तर्फ १ लाख ३३ हजार ६४२ मतदाता रहेकोमा खसेको ७० हजार ८९ मतमध्ये ३ हजार ५५८ मत बदर भएको निर्वाचन कार्यालय धादिङले जनाएको छ ।

क्षेत्र नं २ को प्रदेश (क) र (ख) मा १ लाख ३३ हजार ६४२ मतदाता रहेकोमा ६९ हजार ७९१ मत खस्दा ४ हजार २९० मत बदर भएको छ।

विभिन्न दलबीचमा भएको चुनावी तालमेल तथा मतदाता शिक्षा प्रभावकारी नहुँदाको परिणाम अधिक मत बदर भएको अनुमान गरिएको छ। निर्वाचन आयोगले जिल्ला निर्वाचन कार्यालयमार्फत महिला स्वास्थ्य स्वयंसेविका प्रयोग गरेर मतदाता शिक्षा सञ्चालन गरेपछि बदरको दर अधिक देखिएको हो ।

मतदाता शिक्षाअन्तर्गत जिल्ला निर्वाचन कार्यालयले पनि स्थानीय तहमा पुगेर नमुना मतदान गरेको थियो । तर अपेक्षा गरेअनुसार मत बदर दर घटेको देखिएन ।

धादिङमा दुवै प्रतिनिधि सभामा लोकतान्त्रिक बाम गठबन्धनका उम्मेदवार निर्वाचित भएका छन्। जसमा क्षेत्र नं १ बाट नेकपा एसका राजेन्द्र पाण्डे निर्वाचित भएका छन् भने क्षेत्र नं २ बाट नेपाली काँग्रेसका रामनाथ अधिकारी निर्वाचित भएका छन् ।

क्षेत्र १ को प्रदेश सभा क मा काँग्रेसका मधुकुमार श्रेष्ठ, प्रदेश सभा (ख) बाट माओवादीका शालिकराम जम्मकटेल निर्वाचित भएका छन् । यस्तै क्षेत्र २ को प्रदेश सभा ‘क’ मा नेपाली काग्रेसका गोबिन्द लम्साल र क्षेत्र २ को प्रदेश सभा ‘ख’ मा राष्ट्रिय प्रजातन्त्र पार्टी(राप्रपा)का डम्बर तामाङ निर्वाचित भएका छन् ।

समानुपातिकतर्फ भने ४१ हजार ८८ मत प्राप्त गरी नेकपा एमाले पहिलो पार्टी बनेको छ । दोस्रोमा नेपाली काँग्रेसले ३७ हजार ५२४ मत प्राप्त गरेको, छ भने तेस्रोमा नेकपा माओवादी केन्द्रले २७ हजार २८८ मत र राष्ट्रिय स्वतन्त्र पार्टी (रास्वपा)ले १५ हजार ७५५ मत, राष्ट्रिय प्रजातन्त्र पार्टी (राप्रपा)ले १० हजार ०५३ मत र नेकपा एकीकृत समाजवादीको कलम चिन्हले ८ हजार ४२९ मत प्राप्त गरेको छ ।

हेर्नुहोस विवरण :