धादिङबेसी मलेखु सडक : दारेगौडा र साघुटारमा पहिरो खसेपछी सवारी आवागमन ठप्प

धादिङ ।धादिङबेसी मलेखु सडकखण्ड अन्तरगत नीलकण्ठ नगरपालिका वडा नम्बर ८ दारेगौडा र साघुटारमा सडक माथीबाट पहिरो खसेको छ।

आज बिहान ढुंगामाटो र रुखसहित ठूलो पहिरो खसेपछि सडक पुर्ण रुपले ठप्प भएको छ ।केही वर्ष अघिदेखि पहिरो खस्दै आएको स्थानमा फेरि पहिरो आएको स्थानीयले बताएका छन् ।

पहिरोले ढुंगा र रुखहरु खसेकोले तत्काल बाटो खुलाउन कठिन रहेको जिल्ला प्रहरी कार्यालय धादिङका प्रहरी निरिक्षक प्रल्हाद सिलवालले बागमती कलमलाई जानकारी दिनुभयो ।

पहिरो खसेको दुबै ठाउँमा साँघुरो र घुम्ती भएकोले अत्याधिक जोखिम रहेको प्रहरी निरिक्षक सिलवालले बताउनुभयो ।

जिल्ला सदरमुकाम धादिङबेसीलाई पृथ्वीराजमार्गसंग जोड्ने धादिङबेसी मलेखु सडक(कालुपाण्डे मार्ग) अवरुद्ध हुँदा सवारीसाधन बाटोमै रोकिएका छन् । तस्बिर : शंकर श्रेष्ठ