कार्यसम्पादनमा धादिङ १४ औं नम्बरमा (सम्पूर्ण जिल्लाको विवरणसहित)

अडियोमा सुन्नुहोस

धादिङ । जिल्ला प्रशासन कार्यालय धादिङ कार्यसम्पादन सम्झौता मूल्याङ्कनमा देशभरमा १४ औं भएको छ ।

गृह मन्त्रालय र प्रमुख जिल्ला अधिकारीबिच आर्थिक वर्ष २०८०/०८१ मा भएको कार्यसम्पादन सम्झौता मूल्याङ्कनमा धादिङ प्रशासन १४ औं भएको हो ।

गत आर्थिक बर्षमा धादिङले पहिलो त्रैमासिकमा २८.७५, दोस्रो त्रैमासिकमा १७.२५, तेस्रो त्रैमासिकमा १६.७५ र चौथो त्रैमासिकमा ३३ गरी कार्यसम्पादन सम्झौता मूल्याङ्कनको १०० पूर्णाङ्कमा ९५.७५ अङ्कका साथ १४ औं भएको हो ।

देशभरका ७७ जिल्ला मध्ये रुपन्देही ९८ अङ्क सहित पहिलो, पाल्पा ९७.५ अङ्क सहित दोस्रो, ९७.६ अङ्क प्राप्त गरी बाग्लुङ तेस्रो भएको छ ।

यस्तै चौथोमा पश्चिम रुकुम ९७.५,मकवानपुर ९७.३७५ अङ्कसहित पाँचौँ, ९७.३७५ अङ्कसहित पर्वत छैठौ, ९७ अकं सहित गुल्मी सातौैँ, ९६.८ अंक सहित तेह्रथुम आठौँ, ९६.७५अंक सहित रोल्पा नवौ र ९६.५ अंक सहित सोलुखुम्बू दशौँ भएको छ ।

शान्ति सुरक्षा तथा अपराध नियन्त्रण, शासकीय प्रबन्ध, विपद् जोखिम न्यूनीकरण तथा व्यवस्थापन, मुआब्जा वितरण तथा विकास सहजीकरण लगायत ६६ वटा सूचकहरूको आधारमा कार्यसम्पादन मूल्याङ्कन गरिएको बताइएको छ ।

गृह मन्त्रालय र ७७ वटै जिल्ला प्रशासन कार्यालयले आर्थिक वर्ष सुरुआतसँगै कार्यसम्पादन सम्झौता गर्ने गरेका छन्।

हेर्नुहोस् ७७ जिल्लाको सम्पूर्ण विवरण :

विवरण पिडिएफमा :

वार्षिक मूल्यांकन २०८०-०८१