मुटुरोग पीडित धादिङका टेक बहादुरको जीवन रक्षाका लागि सहयोगको अपिल

धादिङ । धादिङको त्रिपुरासुन्दरी गाउँपालिका–६ गोलाङका मुटुरोग पीडित ३७ वर्षीय टेक बहादुर थपलियाको जीवन रक्षाका लागि परिवारले आर्थिक सहयोगको अपिल गरेका छन् ।

करिब एक दशकबदेखि मुटु रोगको समस्या झेलिरहेका टेक बहादुर विगत सात बर्षदेखि उपचाररत छन् ।

थपलियाले हाल काठमाडौँस्थित ह्याम्स अस्पतालमा उपचार गराइरहेका छन् । तर थप उपचारका लागि ठूलो रकम आवश्यक पर्ने भएपछि आर्थिक अवस्था कमजोर भएका कारण परिवारलाई उपचार खर्च धान्न समस्या भएको पारिवारिक स्रोतले जनाएको छ।

घरको मुख्य कामदार नै बिरामी परेपछि परिवार गम्भीर आर्थिक संकटमा परेको र उपचार रोकिने अवस्था सिर्जना भएकाले परिवार देश–विदेशमा रहेका सम्पूर्ण शुभेच्छुक, समाजसेवी तथा सहयोगी मन भएका व्यक्तिहरूसँग सहायताको अपिल गरेका छन् । पीडित थपलियाको उपचार सहयोगका लागि नेपाल इन्भेष्टमेन्ट मेगा बैंकमा उहाँकै नाममा खाता खोलिएको छ।

सहयोग गर्न चाहने महानुभावहरूले तल उल्लेखित बैंक खातामा रकम जम्मा गर्न सक्नेछन् ।

बैंक : नेपाल इन्भेष्टमेन्ट मेगा बैंक
खाता नम्बर : १६७०५००००३९०
खातावालाको नाम : टेक बहादुर थपलिया