आज साँझ करिब एक हजार ७०० मेगावाट विद्युत खपत हुने अनुमान

काठमाडौँ । नेपाल विद्युत प्राधिकरणले लक्ष्मीपूजाका दिन आइतबार साँझ विद्युतको अधिकतम खपत करिब एक हजार ७०० मेगावाट पुग्ने अनुमान गरेको छ।

माग धान्न आन्तरिक उत्पादन नै पर्याप्त हुने प्राधिकारणले जनाएको छ।

प्राधिकरणका अनुसार यो अवधिमा विद्युत् उत्पादन करिब दुई हजार ५०० मेगावाट पुग्ने प्रक्षेपण छ।

यसले आन्तरिक मागभन्दा उत्पादन बढी हुने भएकाले विद्युत् आपूर्ति व्यवस्थापन सहज हुने अपेक्षा गरिएको बताइएको छ ।