साना किसान कृषि सहकारी नलाङको अध्यक्षमा चेतनाथ सिलवाल चयन

धादिङ- सामुदायिक साना किसान कृषि सहकारी संस्था लिमिटेड नलाङको अध्यक्षमा चेतनाथ सिलवाल चयन हुनुभएको छ।

शनिबार सम्पन्न संस्थाको १९ औं वार्षिक साधारणसभा तथा ५ औँ अधिवेशनले सिलवालको अध्यक्षतामा ९ सदस्यीय नयाँ कार्यसमिति सर्वसम्मत रुपमा चयन गरेको हो।

नयाँ कार्यसमितिको उपाध्यक्षमा देबकी श्रेष्ठ चयन हुनुभएको छ।

त्यस्तै सदस्यहरुमा ईश्वरी अर्याल, एक बहादुर राना, धुर्ब अर्याल, जनक श्रेष्ठ रामबाबु दुवाडी, मिना गिरी र उमा देवी थापा मगर चयन हुनुभएको छ।

यसैगरी अधिवेशनबाट लेखा समितिको संयोजकमा भगवान भट्ट चयन हुनुभएको छ भने सदस्यहरुमा सरोज तिमल्सिना र बद्री प्रसाद अर्याल चयन हुनुभएको छ।

साधारणसभामा सहकारीका निवर्तमान अध्यक्ष तिलक सिंखडाले गत आर्थिक वर्ष २०८२/८३ को प्रगती विवरण, सहकारीकी प्रबन्धक अम्बिका न्यौपाने सिलवालले आर्थिक प्रतिवेदन र निवर्तमान लेखा समिति संयोजक ईश्वरी अर्यालले लेखा सम्बन्धी प्रतिवेदन प्रस्तुत गर्नुभएको थियो।

प्रगती विवरण प्रस्तुत गर्दै सहकारीका अध्यक्ष सिंखडाले आर्थिक वर्ष २०८२/८३ मा संस्थाको कुल शेयर पूँजी रकम रु.२ करोड ९० लाख २४ हजार ७ सय, साधारण जगेडा कोष रु. ४ करोड १९ लाख ८२ हजार ४ सय २१, अन्य कोष तर्फ रु. १ करोड २७ लाख ७१ हजार ८०६ र निक्षेप तर्फ १८ करोड २७ लाख ५८ हजार २४१ गरि कूल आन्तरिक पूँजी रु. २६ करोड ६५ लाख ३७ हजार १६९ रहेको बताउनुभयो ।

२०६५ सालमा स्थापना भएको सहकारीमा हाल २ हजार १५७ जना सदस्य, १ हजार ५७० जना शेयर सदस्य, ५८७ जना बाल सदस्य र २५४ वटा समुहहरु रहेको सहकारीकी प्रबन्धक अम्बिका न्यौपाने सिलवालले जानकारी दिनुभयो।

नेपाल कृषि सहकारी केन्द्रिय संघ लिमिटेडका उपाध्यक्ष पुर्ण शर्माको प्रमुख आतिथ्यता रहेको कार्यक्रममा बागमती प्रदेश सहकारी संघ लिमिटेडका अध्यक्ष डिल्ली प्रसाद पाठक, जिल्ला सहकारी संघ लिमिटेड धादिङका अध्यक्ष रंग प्रसाद थपलिया, साना किसान विकास लघुबित्त वित्तिय संस्था लि गजुरी शाखाका प्रबन्धक विशाल कुमार तुलाधरको विशेष आतिथ्यता रहेको थियो।

सहकारीका अध्यक्ष सिंखडाको अध्यक्षतामा सम्पन्न कार्यक्रममा सिद्धेश्वर माविका प्रधानाध्यापक हरि बहादुर सिलवाल, साना किसान कृषि सहकारी नलाङका संस्थापक अध्यक्ष कृष्ण प्रसाद अर्याल, पूर्वअध्यक्ष कमल बहादुर गुरुङ, सिद्धलेक गा.पाका निवर्तमान अध्यक्ष प्रेमनाथ सिलवालको आतिथ्य रहेको थियो।

कार्यक्रममा सहभागी वक्ताहरुले कृषि क्षेत्रको विकास र प्रवद्र्धनमा साना किसान कृषि सहकारीहरुले ठूलो योगदान गरेको र सहकारीको निती, सिद्धान्त, मर्म अनुरुप संचालन भए मात्र शुशासन कायम हुने र शेयर सदस्यको विश्वास जित्न सकिने बताएका थिए।

कार्यक्रमको सम्पूर्ण गतिबिधिका तस्विरहरुको लागि तलको लिंक क्लिक गर्नुहोस्

https://www.facebook.com/share/p/19APTi1bK6/