धादिङको गलौँदी नजिकै सडक भासियो,पृथ्वीराजमार्ग पूर्ण अवरुद्ध

धादिङ। पृथ्वीराजमार्ग अन्तरगत धादिङको गजुरी गाउँपालिका-५ स्थित गलौँदी नजिकै सडक भासिँदा सवारी आवागमन पुर्ण रूपमा बन्द भएको छ।

त्रिशुली नदिको कटानको कारण आज शुक्रबार साझ सडक भासिँदा दुईतर्फी नै सडक अवरुद्ध भएको र सडकको बीच भागमा चिरा परेर भासिनेक्रम जारी रहेको जिल्ला प्रहरी कार्यालय धादिङका निमित्त सूचना अधिकारी श्यामकुमार बस्नेतले जानकारी दिनुभयो।

यस राजमार्ग भएर चल्ने सम्पूर्ण सवारी साधनहरुको आवागमनमा अर्को सूचना जारी नहुँदासम्मको लागि पूर्ण रूपमा रोक लगाईएको जिल्ला प्रशासन कार्यालय धादिङले जनाएको छ।