पृथ्वी राजमार्ग सोमबार तीन घण्टा बन्द हुने

धादिङ- पृथ्वी राजमार्ग अन्तरगत धादिङको बेनीघाट रोराङ गाउँपालिका-९ मझिमटारमा सोमबार तीन घण्टा सवारी आवागमन बन्द हुने भएको छ ।

जिल्ला प्रशासन कार्यालय धादिङले सूचना जारी गर्दै मझिमटारमा आकाशे पुल निर्माण तथा सडक स्तरोन्नतिको काम गर्न सवारी आवागमन बन्द गर्न लागिएको जनाएको छ।

सूचनाअनुसार १६ गते सोमबार बिहान ११ बजेदेखि दिउँसो २ बजेसम्म उक्त सडकखण्ड भएर सञ्चालन हुने सबै प्रकारका सवारी साधनको आवागमन पूर्ण रूपमा रोक लगाइनेछ।

उक्त अवधिमा वैकल्पिक मार्ग प्रयोग गरी यात्रा गर्न तथा सवारी चालक र सडक प्रयोगकर्तालाई ट्राफिक नियम र सडक अनुशासन पूर्ण रूपमा पालना गर्न जिल्ला प्रशासन कार्यालयले अनुरोध गरेको छ।