भोलीदेखी हुने प्रथम जलमुखी धार्मिक तथा पर्यटनको महोत्सवको तयारी पुरा

धादिङ,२० फागुन ।
भोलीदेखी हुने प्रथम जलमुखी धार्मिक तथा पर्यटनको महोत्सवको तयारी पुरा भएको छ ।

ज्वालामुखी गाउँपालिका वडा नम्बर– ६ को आयोजना तथा जलमुखी मन्दिर संरक्षण समिती व्यवस्थापन र ज्वालामुखी गाउँपालिकाको सहयोगमा भोलीदेखी फागुन २३ गतेसम्म हुने महोत्सवको सम्पूर्ण तयारी सकिएको ज्वालामुखी गाउपालिका–६ का वडा अध्यक्ष किशोर सेडाईले जानकारी दिनुभयो । महोत्सवको बागमती प्रदेशका मुख्यमन्त्री शालिकराम जम्कट्टेलले उद्घाटन गर्नुहुने वडाअध्यक्ष सेडाईले बताउनुभयो ।

महोत्सवमा ईन्द्रेणीको टिम सहित राष्ट्रिय कलाकारहरु पशुपति शर्मा, टिका सानु, रविन लामिछाने,अस्मिता डल्लाकोटी, सिताराम परियार, बासु सिंखडा, रितु तामाङ लगायत स्थानीय कलाकारहरुको वेजोड प्रस्तुति रहने सेडाईले बताउनुभयो ।

धादिङको ऐतिहासिक, धार्मिक तथा पर्यटकीय स्थल जलमुखी मन्दिरमा हरेक बर्ष फागु पुर्णिमाको अवसरमा मेला लाग्ने गर्दछ ।