धादिङको नीलकण्ठ बहुमुखी क्याम्पसमा नेविसंघको प्यानलै विजयी,सभापतिमा कविराज श्रेष्ठ

धादिङ,०८ चैत ।
धादिङको नीलकण्ठ बहुमुखी क्याम्पसमा नेपाल विद्यार्थी संघ (नेविसंघ) को प्यानल नै विजयी भएको छ । बुधबार सम्पन्न भएको निर्वाचनबाट क्याम्पसको स्ववियु सभापतिमा नेपाली कांग्रेस निकट नेविसंघका कविराज श्रेष्ठ निर्वाचित भएका छन् ।

श्रेष्ठले ३६५ मत ल्याए भने उनका निकटतम प्रतिद्वन्द्वी नेकपा एमाले निकट अखिलका आमोस थापा तामाङले १६० मत,माओवादी केन्द्र निकट अखिल क्रान्तिकारीका श्रीकृष्ण रिजालले १२७ मत पाएका छन्।

यस्तै सचिवमा नेविसंघका राजन अधिकारी ४१६ मतसहित विजयी हुँदा अखिल क्रान्तिकारीकी रुपा नेपालले १३२ मत प्राप्त गरिन भने एमाले निकट अखिलका भुपेन्द्र श्रेष्ठले ७८ मत पाएका छन्।

यस्तै कोषाध्यक्षमा नेविसंघकी सिता सापकोटा ३६५ मतसहित विजयी हुँदा अखिल क्रान्तिकारीकी ज्वाला थापाले १३३ मत प्राप्त गरिन भने राप्रपा निकट राप्रविसकी रोमिका तामाङले १०१ मत पाएकी छिन्।

सदस्यहरूमा नेविसंघकी रोजिना शाक्य(४०५ मत), प्रमिला पाठक(३७० मत), सुमनबाबु खनाल(३८४ मत),डिलमान तामाङ(४३८ मत),सन्तोष मगर(४२१ मत),सन्तोष ढुङ्गाना(४०८ मत) र भवानी भट्राई(४२८ मत) विजयी भएका छन् ।

यसैगरी समानुपातिक तर्फ नेबिसङ–३७४, अनेरास्ववियू क्रान्तिकारी–१२७ अनेरास्ववियु–११०, अनेरास्ववियू–३३ र राप्रबिसंघले १५ मत पाएको छ । ८ मत बदर भएको छ ।

उक्त निर्वाचनमा अनेरास्ववियु र प्रजातान्त्रिक विद्यार्थी संगठनले तालमेल गरेको थियो ।चैत ५ गते हुनुपर्ने निर्वाचन क्याम्पसमा दर्ता भएका विद्यार्थी संगठनहरुको सहमति तथा क्याम्पस सञ्चालक समितिको अनुमतीमा निर्वाचनको मिति आजको लागि सारिएको थियो ।

निर्वाचन प्रक्रियामा आपत्ति जनाउदै अनेरास्ववियु, अनेरास्ववियू (क्रान्तिकारी) र प्रजातान्त्रिक विद्यार्थी संगठनले क्याम्पसमा २ पटकसम्म तालाबन्दी गरेका थिए ।

हेर्नुहोस मतपरिणाम :